Tesla nuk ka një reputacion shumë të mirë kur vjen puna për cilësinë e ndërtimit të automjeteve të saj. Njerëzit ankohen për boshllëqe të mëdha në trupin e makinës, defekte të bojës dhe zhurmë në pjesët e brendshme plastike të makinës. Dhe ndërsa prodhuesit amerikanë të automjeteve elektrike kanë bërë përparime në këtë drejtim në vitet e fundit, kjo ‘problematikë’ e cila u shfaq dje në Twitter, paraqet një pamje jo shumë të këndshme, veçanërisht pasi nuk është hera e pare që ndodh.
Përdoruesi i Twitter postoi se timoni i tij i ri Tesla Model Y u hoq ndërsa po udhëtonte në autostradë me familjen e tij, bashkangjitur me postimin ai ndau disa foto të pjesëve të varura ndërsa priste të mbërrinte një kamion tërheqës.
‘’Për fat të mirë, nuk kishte makina pas meje, kështu që munda të ndaloja i sigurt.’’ u shpreh ai.
Në vitin 2020, një pronar i Tesla Model 3 u gjend në të njëjtën situatë pasi i kishte dhënë makinës për rreth 340 milje pas blerjes së saj. Në atë kohë, Tesla e kishte marrë makinën dhe e kishte kthyer të nesërmen me timonin e instaluar siç duhet, duke konfirmuar se makinës në fjalë i mungonin vidat që lidhin timonin në kolonën e timonit.
