Është marrë vendimi për sekretaren e Përgjithshme të Ministrisë së Shëndetësisë Joana Duron.
Gjykata e Posaçme vendosi ta lërë në burg me akuzën e korrupsionit dhe shpërdorimit të detyrës.
Deri në përfundim të hetimeve do të qëndrojë edhe e akuzuara tjetër Laura Sheto.
Ndaj dy vajzave rëndon akuza e korrupsionit të zyrtarëve të larte shteteror. Nga hetimet ka rezultuar se sekretarja ka përfituar një shumë prej 330 mijë lekëve për një procedurë tenderimi.
Sipas SPAK, shuma prej 330 mijë Lekësh është dhënë si rryshfet nga Administratori Vladimir Topi, me qëllim për të përfituar na mënyrë të paligjshme nga tenderi i zhvilluar nga Ministria e Shëndetësisë dhe Mbrojtjes Sociale me objekt Loti i 1.
Mësohet se Fondi limit i këtij tenderi ka qenë 805 mijë lekë. Hetimet kanë zbuluar se shuma e parave fillimisht i është dhënë inxhinierit Silvi Shehi në banesën e Topit, dhe më pas ia ka dërguar Laura Shetos, e cila ishte personi që kishte njohje dhe mbante kontakte me sekretaren e ministrisë.
Gjithashtu dy përfaqësuesit e kompanisë, akuzohen për “Korrupsioni aktiv i funksionarëve të lartë shtetërorë ose të zgjedhurve vendorë”.
Shuma e parave u gjet në zyrën e sekretares, menjëherë pas arrestimit nga policia. Dy zyrtaret që u ndaluan të premten Joana Duro dhe Laura Sheto akuzohen nga SPAK për veprat penale “Korrupsioni aktiv dhe pasiv i funksionarëve të lartë shtetërorë ose i të zgjedhurve vendorë”.
SPAK sqaroi se hetimet nisen mbi bazën e informacioneve te siguruara nga Byroja Kombëtare e Hetimit, e cila mori pjesë edhe ne arrestim, bashkë me Forcën e Posaçme Operacionale në Drejtorinë e Përgjithshme të Policisë.
