Kryetari i LZHK-së Dashamir Shehi ka vlerësuar kandidatin e PD-së për Bashkinë e Tiranës, Belind Këlliçin krahasuar me kryebashkiakun aktual Erion Veliaj në përballjen e zgjedhjeve lokale të 14 majit.
’Shehi theksoi se Këlliçi është kandidat shumë i mirë dhe i ndershëm dhe se Veliaj është vetëm hije e Ramës, i cili pret që largohet dhe t’i zërë vendin.
‘Këlliçi ku e ku shumë më i mirë dhe shumë më i ndershëm, e ka treguar koha këtë punë, e pamë këtë zotëri 8 vjet, ja këto që shihni përqark këto kullat e shëmtuara. Ky supertrafik i mbingarkuar këtu dhe biles nuk e shikoj as si personazh politik atë zotërinë që del përditë në televizion dhe mbjell pemë duke bërë gjëra, por ndonjë ide politike nuk kam dëgjuar se ka 8 vjet aty, do kishte prodhuar ndonjë ide politike. Ky është një hije e Edi Ramës që rri atje nga mbrapa dhe pret që të largohet dhe të vijë ky’, u shpreh Shehi.
