Ka mbaruar procesi gjyqësor për Fredi Belerin, kryebashkiakun e zgjedhur të Himarës, i cili është vendosur nën akuzë për shitblerje votash. Gazetari Ermal Vija raporton se në seancën e radhës, që do të mbahet me datë 13 Shkurt në orën 14:00, do të lexohet pretenca nga Prokuroria.
Beleri ndodhet në paraburgim që prej 12 majit të vitit 2023 për shitblerje të votave vetëm 2 ditë para zgjedhjeve vendore të 14 majit. Në seancën e sotme dëshmoi Anila Paci, specialiste në Drejtorinë e Burgjeve dëshmoi sot mbi dëshminë e penalitetit të Belerit të administruar nga SPAK:
“Jam pyetur përpara disa muajsh nga Prokuroria e Posaçme për dëshminë e penalitetit të Belerit. Kam dhënë dëshmi përpara agjentëve të BKH. Institucionet shtetërore kanë akses ne regjistrat gjyqësorë, për të parë nëse një shtetas është apo jo i dënuar. Në rast se një person rezulton i dënuar, prokuroria në këtë rast, dërgon kërkesë për historikun e tij. Dokumenti printohet vetëm në rast se një person është i padënuar. Prokuroria nuk ka akses të printojë dënimin. Të dhënat vihen ne dispozicion nga ne”.
