Petrit Vasili, nënkryetari i Partisë së Lirisë, në një prononcim për gazetarët ka komentuar seancën plenare, të tensioneve dhe debateve mes palëve.
Vasili u shpreh se llogaridhënia është marr peng, u rrëmbye fjala e deputetëve të opozitës. Rama po i fshihet skandalit me mos prezencë në Kuvend.
“U rrëmbye fjala deputet. Arsyeja është frika e tyre, dhe korrupsioni. Sot llogaridhënia në Kuvend është marrë peng, prej fyti nga të lemerisurit, të tremburit e Rilindjes. Në rastin kur kryeministri përmendet me emër dhe mbiemër dhe duhet të përgjigjet me rregullore, fshihet. Ka ditë të tëra që fshihet, por problemin nuk e zgjidh dot. Keni parë vetëm një pjesë të tij.
Faktet janë të rënda, se dëmton dot opozitën. Fshehja është prova e frikës së tmerrshme. Sot patë se si kryeministri u fsheh në mënyrë të turpshme. Asgjë nuk i bëjnë dot opozitës, por janë shndërruar në kufoma politike. Llogaridhënia është e hapur, aty në shesh ku nuk ka më Lindita Nikollë dhe nuk fshihen dot.”, deklaroi Vasili.
