Gjatë kohës që duhet të ushqeheni, duhet të pini shumë ujë dhe të konsumoni fruta të pasura me ujë, perimet e gjelbra, supë (jo të gatshme, asnjëherë), në mënyrë që të përballoni sa më mirë agjërimin. Evitoni ushqimet e kripura pasi ju stimulojnë etjen. Konsumimi i ushqimeve të skuqura, të ëmbla, mund t’ju bëjë që të shtoni peshë gjatë agjërimit dhe mos t’ju vijë çudi. Konsumoni më shumë ushqimet e pasura me fibra, bukën e zezë, frutat e thata dhe pse jo, të bëni një shëtitje apo ecje pas iftarit.
Çfarë duhet konsumuar në iftar?
Filloni me një gotë me ujë. Konsumoni ushqime të lëngshme dhe sheqer natyral (ushqime me sheqer natyral si frutat dhe hurmat e arabisë,çokollatë e zezë).
Shmangni lëngjet e sheqerosura. Pini më shumë ujë, qumësht, smoothie ose lëng frutash natyralë për të promovuar hidratimin pa kalori extra ose sheqer të shtuar. Hani hurma arabie pasi kanë minerale të çmuara si kalium, fibra etj. Konsumoni edhe lloje të tjera të frutave të thata si fiq, kajsi, kumbulla pasi kanë fibrat dhe nutrient të ndryshëm. Konsumoni supë (asnjëherë të gatshme).
Idealja do ishte supa me palcën e kockave të lopës, bizele, thjerrëza, fasule, ose supë makaronash kafe . Konsumoni ushqime të pasura me proteina si mish, peshk, perime, oriz, kos, kërpudha, avokado.
