Të drekosh në Tiranë apo ku do nëpër restorantet e shqipërisë, me sa duket brenda pak kohësh do të bëhet “ çështje luksi“. Kjo për shkak se ‘ Shoqata e bareve dhe Restoranteve’, kërkoi që çmimet të rriten me 20-30 %. Shkak i saj është ngritja e pagës mesatare dhe shtrejtimi i produkteve furnizuese.
Nëse deri më sot çdo kush mund të jetë ulur në bare e restorante duke konsumuar një pije apo duke ngrënë ushqime paksa ndryshe nga çfarë hamë nëpër shtëpi; brenda një qarku të shkurtër kohor për disa do të mbetet një tekë luksi pasi fatura do të rëndojë xhepat e tyre.
Çmimet në restorante janë rritur 20 deri 30%. Kryesisht tendenca më e lartë e çmimeve është për restorantet në zona të caktuara si ish Blloku, Komuna e Parisit etj.
Tendenca e çmimeve po normalizohet për strukturat e shërbimit, që deri tani kanë operuar me çmime të ulëta krahasuar me shtetet europiane, këtu bëhet fjalë për kamarierë, guzhinierë, sanitarë, etj.
Në restorante çmimet janë rritur 20 deri 30% nga shtrenjtimi pa fre i mallrave furnizuese dhe rrogat mbi 30% të punonjësve të shërbimit, që nuk gjenden. Ky është një reflektim i gjithë faktorëve që kanë rënduar këtë sektor. Pos kësaj deri më sot restorantet kanë funksionuar me njerëz që nuk janë të sektorit dhe çmime të ulëta. Çmimet po shkojnë drejt nivelit që të drekosh në restorant nuk është më lirë se sa të drekosh në shtëpi, pra nëse ke një rrogë të ulët nuk mund të drekosh në restorat pasi të rëndon xhepin.
Shoqata e bareve dhe Restoranteve kishte paralajmëruar më herët se nga marsi pritet rritje e fortë çmimeve, për shkak të kostove të larta nga rritja e pagave dhe shtrenjtimi i mallrave furnizuese.
Sezoni veror -2022 shfaqi haptazi krizën e fuqisë punëtore, ku shumë bare dhe restorante të zonave bregdetare u detyruan të punësojnë punonjës nga vendet e rajonit si Mali i Zi, Kosova apo Maqedonia e Veriut, si dhe të rrisin pagat e vendaseve.
