Sipas analistit Artan Shyti, thotë se Shqipëria do bëhet si Zvicra me projektligjin “Për Lojërat e Fatit”.
Te projektligji thuhet se pagesat nuk do të jenë me para në dorë në mënyrë të drejtpërdrejtë mes organizatorit dhe lojtarit por do të kalojnë përmes një agjenti financiar të autorizuar ( Posta shqiptare, bankat e nivelit të dytë ).
Projekligji “Për Lojërat e Fatit” do ta bëjë Shqipërinë si Zvicra, ku vendosja e basteve do të bëhet vetëm online. Por sipas analistit të sportit Artan Shyti, një ligj i tillë nuk do të zhdukë bixhozin informal.
“Kalimi në këtë automatizmin online. Menaxhimi i tyre online, nëpërmjet faturave online, parave online, deklarimeve online për ne është akoma herët dhe duhet të jetë një nga opsionet, pasi duhet të jenë edhe pikat fizike përveç online. Kështu më pas do të punojmë të gjithë që të shkojnë drejt aksesit online. Kam përshtypjen se është pak problem aq më tepër që dihet nëse unë duhet të luaj në momentin e fundit për një gol unë tani duhet të shkoj në bankë, banka ta konfirmoj bëhet histori shumë e komplikuar. Pra janë disa detaje që e komprementojnë të gjithë aktivitetin.” -tha Artan Shyti, analist sporti.
