Pas arrestimit me akuzën shpërdorim detyre, Gjykata e Tiranës ka ndryshuar masën e sigurisë për ish-sekretarin e Përgjithshëm të Ministrisë së Financave Arlind Gjokutaj.
Nga vendimi arrest me burg, është vendosur që të vijojnë hetimet në detyrim paraqitje.
Gjokutaj akuzohet për shpërdorim detyre lidhur me procedurat e kompensimit të një prone në vlerën e rreth 1.2 milion euro.
Por pas arrestimit, Gjokutaj u shtrua në spital për arsye të gjëndjes së keqe shëndetësore, e ndërsa Apeli i Tiranës ndryshoi masën nga arrest me burg në arrest shtëpie.
Ndërkohë që në arrest shtëpie vijojnë të qëndrojnë Alban Ruli përmbarues privat dhe Fatmir Hoxha drejtor juridik në Ministrinë e Financave. Hetimet për këtë çështje janë drejt përfundimit dhe pritet që dosja të kalojë me kërkesën për gjykim në Shkallën e Parë.
