Parlamenti Evropian voton sot vendimin për liberalizimin e vizave për qytetarët e Kosovës, ku edhe procedurat për këtë çështje po i afrohen.
Nis votimi për liberalizimin e vizave që është përfolur prej shumë kohësh. Ditën e nesërme pritet të nënshkruhet dokumentacioni ligjor dhe së shpejti pritet të hyjë në fuqi.
Në mbledhjen që bëri këshilli i ministrave të BE para një muaji me shumicë votash e miratoi ligjin për liberalizimin e vizave të Kosovës dhe ku sot nis votimi.
Gjithashtu një nga faktorët kryesorë që ka përshpejtuar nënshkrimin e ligjit për Komisionin Evropian dhe këshillin e BE mund të jetë Sistemi Evropian i Informacionit dhe Autorizimit të Udhëtimit ( ETIAS ).
E rëndësishme është nënshkrimi që pritet të realizohet nga presidentja e Parlamentit Evropian, Roberta Metsola, dhe nga ministrja Suedeze për Evropën, Jessika Roswall, aktualisht kryeson në Këshillin e BE.
Kosova deri më sot ishte një nga vendet e Ballkanit Perëndimor, të cilët qytetarët nuk lëviznin të lirë edhe pse e kanë pasur mundësinë e përmbushjes së kritereve, por penalizim për ta ishin vendet anëtare të cilët vazhdimisht bëheshin pengesë.
Qytetarët e Kosovës e kanë pritur me padurim ditën e liberalizimit të vizave që të jenë të lirë për të udhëtuar nëpër vende të ndryshme të Evropës. Patjetër që kjo është një arritje për shtetin e Kosovës dhe sot ata do e gëzojnë këtë të drejtë si të gjithë ne.
