I njohur më sëshumti në rrolin e ‘ Besimit ‘ tek filmi Dora e ngrohtë, apo Marku tek filmi Militanti, aktori i dhjetra roleve në ish kinostudion “ Shqipëria e re ” rikthehet kësaj here në rolin e regjizorit me filmin e tij të titulluar “ Xixëllonjat e dimrit”.
Rreth 7 vite më parë fillova që ta shkruaja skenarin dhe realisht më mori shumë kohë, mbështetur në një libër që unë kam botuar. Vite më para m’u mbush mendja që njërën nga novelat e shkurtra ta ktheja në film”.
Me skenar dhe regji të tijën Gorishti do të servirë për publikun një film krejtësisht ndryshe nga se jemi mësuar që ta shohim.
Historia e treguar në film është universale dhe qëllimi saj ishte që ajo të bëhej globale, sigurisht pa ndikuar në rrymat e tjera dhe se ishte vetë burimi i tij.
“Mua personalisht nuk më pëlqejnë ‘happy end’ pasi në të vërtetë jeta reale nuk ti ofron këto ndaj dhe librin e solla në një kontekst krejt tjetër, pasi bota është më e thellë. Dashuria është më e bukur dhe mjaft e thellë, madje zgjodha që personazhet të jenë në një moshë të mesme dhe jo të re, pasi doja që përmes veprës të tregoja plagët që shoqëria po kalon”, thotë Gorishti.
![](https://tiranapress.al/wp-content/uploads/2023/04/MV5BN2JiNmFjNzAtYWE4YS00ZmYwLWE1OWYtNDRiYzAzNTVmNDIwXkEyXkFqcGdeQXVyMjQ1MjY0Mjg@._V1_-681x1024.jpg)