Në ditën e zgjedhjeve, votuesit në demokracitë bashkëkohore mund të hedhin votën e tyre në mënyra të ndryshme duke përdorur një sërë teknologjish, por si morën pjesë votuesit në zgjedhjet e lashta?
Demokracia e parë dhe e vetme e drejtpërdrejtë në Athinë dhe Republikën Romake, ishte një demokraci në të cilën klasat e pasura kishin më shumë pushtet se klasa punëtore.
Procesi demokratik ishte i hapur vetëm për qytetarët e lirë meshkuj, si në Athinë ashtu edhe në Romë (fjala greke dmokratia që do të thotë “pushteti popullor”). Nuk lejohej votimi për gratë apo skllevërit.
Sipas Eric Robinson, një profesor historie në Universitetin e Indianës, kishte shumë pak zgjedhje në Athinën e lashtë sepse njerëzit atje nuk besonin se votimi për përfaqësuesit ishte process demokratik.
Çdo mashkull banor i Athinës kishte një ‘zë’ në Kuvend, një organ i gjerë demokratik që merrte vendime në lidhje me të gjitha ligjet dhe procedurat gjyqësore. Përafërsisht 6,000 nga 30,000–60,000 banorët e Athinës merrnin pjesë shpesh dhe morën pjsë në seancat e Asamblesë.
Pnyx, që është një term grek që do të thotë “të ngjeshur fort së bashku”, ishte një amfiteatër natyror në majë të kodrës ku u mblodh Asambleja. Mund të zinte nga 6,000 deri në 13,000 njerëz.
“Grekët nuk patën zgjedhje në kuptimin që ne mendojmë për to, ku ju ose votoni me postë ose shkoni në një shkollë ose kishë për të lënë votën,” thotë Del Dikson, një profesor i shkencave politike në Universitetin e Sanit. “Shkonin e mblidheshin me qytetarët e tjerë dhe i vendosni çështjet para Kuvendit atë ditë”.
Në Athinë, nëse një personazh publik turpërohej ose thjesht bëhej shumë i popullarizuar për të mirën e demokracisë, ai mund të internohej për 10 vjet përmes një zgjedhjeje të veçantë “ostracizmi”, një fjalë që rrjedh nga ostraka , fjala greke e lashtë për një copëz të qeramikë.
Në një zgjedhje ostracizmi, çdo deputeti të Kuvendit do t’i jepej një copë e vogël qeramike dhe do t’i thuhej të gërvishtte emrin e dikujt që meritonte të internohej. “Nëse të paktën 6,000 njerëz shkruanin të njëjtin emër, personi me më shumë vota do të dëbohej nga Athina për 10 vjet,” thotë Dikson.
