Që nga 16 Janari tashmë tarifat e shërbimeve për patentat janë dyfishuar apo trefishuar. Në rast riprovimi të njohurive teorike, nga 400 lekë, tarifa tashmë është bërë 1200 lekë. Nga ana tjetër, edhe për riprovimin e testit të praktikës, nga 500 lekë, tarifa është 4-fishuar.
Për t’u pajisur me leje drejtimi për të gjitha kategoritë nga 3500 lekë tashmë do paguhet 4500 lekë. Edhe një sërë shërbimesh të tjera për patentat janë dyfishuar, si pajisja me leje drejtimi ndërkombëtare, pajisja me “Leje”dhe provim kualifikimi teorik pas humbjes totale të pikëve ose heqjes së lejedrejtimit, por edhe për autoshkollat për detyrimet që kanë për ushtrimin e aktivitetit.
