Një qytetar që ka në pronësi një makinë Tesla ka paditur kompaninë, për shkelje të rënda të privatësisë së klientit. Padia është bërë në Gjykatën e Kalifornisë Veriore, e cila është veçanërisht e ndjeshme ndaj shkeljeve të privatësisë.
Një media media e huaj ka publikuar mesazhet e shkëmbyera mes punonjësve të brendshëm të kompanisë Tesla, të cilët kishin një grup të përbashkët dhe aty publikonin video dhe imazhe të kapura nga kamerat e makinës, në kabinë, nga viti 2019 deri në vitin 2022.
“ Si çdokush, pronari i kësaj makine u trondit nga ideja që kamerat e Teslës mund të përdoren për të pushtuar privatësinë e familjes së tij, të cilën Kushtetuta e Kalifornisë e mbron plotësisht”, tha avokati i pronarit të makinës Henry Yeh, Jack Fitzgerald.
“Tesla duhet të marrë përgjegjësinë për këto shkelje dhe për të mashtruar klientët e saj duke dështuar në mbrojtjen e privatësisë së tyre përmes praktikave të saj…”, vijoi avokati Fitzgerald në deklaratën e tij.
Tesla është pyetur për këtë skandal, por ende sështë dhënë asnjë përgjigje nga zyrtarët e kompanisë.
