Këtë të hënë është parashikuar që 3 komisione parlamentare të zhvillojnë punimet e tyre.
Konkretisht do të mblidhen Komisioni për Edukimin dhe Mjetet e Informimit Publik, Komisioni për Veprimtaritë Prodhuese, Komisioni i Ligjeve.
Komisioni për Edukimin do të zhvillojë seancë dëgjimore për diskutimin e Raportit të veprimtarisë 1-vjeçare të RTSH-së. Megjithatë, nuk dihet nëse do të shkojë vetë drejtori i RTSH-së, Alfred Peza, për të raportuar.
Në Komisionin për Veprimtaritë Prodhuese do të prezantojë Enti Rregullator i Energjisë (ERE), Raportin Vjetor për 2023-shin.
Gjithashtu, do të shqyrtohet draft-rezoluta për Veprimtarinë e AKEP-it, për vitin 2023.
Nga ana tjetër, Komsioni i Ligjeve do të shqyrtojë 4 projektligje “Për mbrojtjen e cilësisë së ajrit në mjedis”, “Për mbrojtjen e mjedisit”, “Për vlerësimin e ndikimit në mjedis”, dhe “Për menaxhimin e integruar të mbetjeve”.
