Ambra Ceka, një studente shqiptare e cila studion mjekësi në Universitetin e Shkencave Shëndetësore në Ankara, është solidarizuar më tërmetin shkatërrues që mori me mijëra viktima.
Ajo ka dhuruar paratë e bursës, në ndihmë të personave që janë prekur nga tërmeti. Paratë ia ka dërguar një shoqe e cila ishte goditur nga tërmeti me familjen e saj në zonën e Hatay.
“Unë paratë e bursës time i kam dërguar për shoqet e mia që janë prekur nga tërmeti. Ne si shokë të klasës kemi bërë një kontribut të vogël. I kam dërguar në zonën Hatay në Turqi”, u shpreh Ceka për mediat turke.
Si dhe një grup shokësh e shoqesh në klasë kanë kontrubuar vullnetarisht duke dërguar ndihma dhe para familjeve në nevojë sado pak për t’ju ardhur në ndihmë.
Një pjesë e ndihmave grumbullohen nën koordinimin e Shoqatës së të Diplomuarve në Turqi të Shqipërisë (TUMED) dhe organizatave të tjera, ndërkohë pjesë e ndihmave që po grumbullohen janë shumat në para, rroba, materiale higjienike, materiale strehimi, ngrohëse dhe të tjera.
