E pa dëgjuar më parë, një adoleshent i cili është futur në arkivol pasi e ka konsideruar si metodë më e lehtë për arratisjen drejt Britanisë
Rasti në fjalë u zbulua gjatë një kontrolli rutinë të një furgoni nga oficerët francezë të kufirit afër Dunkirkut.
Adoleshenti shqiptar, ku identifikimi nuk bëhet i ditur për arsye ligjore, deklaroi në seancë gjyqësore se kishte paguar 9 mijë paund për udhëtimin e tij në Britani me furgon. Ai tha se: “U futa në arkivol në një stacion shërbimi autostrade në Steenvoorde (Franca veriore). Duhet të kem qenë brenda për të paktën një orë në kohën kur furgoni u ndal.”.
Arkivoli, të cilit i ishte vidhosur kapaku, ishte fshehur mes kutive prej druri në pjesën e pasme të një furgoni Mercedes Sprinter. Ndërkohë, shoferi, rumuni Lucian-Radu Rizae, pohoi se nuk e kishte idenë se çfarë kishte në mjet.
