Një shtetas shqiptar është gjetur pa shenja jete në bodrumin e një pallati në Prishtinë, Kosovë. Mediat lokale raportojnë se ngjarja e rëndë ka ndodhur në rrugën ‘Isa Boletini’ në lagjen Dardania.
Viktima i identifikuar si Sokol Ukperaj dyshohet se ka rënë nga ashensori në bodrumin e pallatit, në rrethana ende të paqarta.
Kur policia ka mbërritur në vendngjarje ka konstatuar vdekjen e 54-vjeçarit shqiptar dhe ka nisur hetimet. Banorët e pallatit thonë se prej disa ditësh dera e ashensorit kishte probleme.
