Gjykata ka vendosur të lërë në fuqi masën arrest në burg ndaj Armando Kumarakut dhe Natasha Romblas, e njohur edhe si gjyshja e “TikTok”-ut. Me një vendim të dhënë ditën e sotme, Gjykata ka lënë në fuqi duke e caktuar si të rregullt vendimin e dhënë më herët nga Gjykata e Beratit.
Rombla dhe djali i saj Armando Kumaraku akuzohen për keqtrajtim të të miturit, më konkretisht, nipit të saj dhe njëkohësisht djalit të Kumarakut nga një martesë e dështuar. Ata nxirrnin në rrjetin social “TikTok” djalin e mitur duke e mësuar të ofendonte me fjalor banal si dhe të shante nënën e tij biologjike.
Referuar raportimevenë media, Gjykata e Apelit, informon sa më poshtë: Më datë 17.12.2023, në Komisariatin e Policisë Kuçovë, ka bërë kallëzim penal shtetësia me iniciale E. A, e cila ka deklaruar se është e divorcuar me shtetasin me iniciali A.K dhe djali i tyre gjatë takimit me babin dhe gjyshen e tij, e ka parë në rrjetin social Tiktok live, duke sharë me fjalë fyese dhe banale në prani të tyre.
Gjykata e Shkallës së Parë e Juridiksionit të Përgjithshëm Berat,vlerësimin e ligjshëm të ndalimit dhe caktimin e masës së sigurimit “arrest në burg”,për personat nën hetim shtetasit me iniciale A.K dhe N. R, të dyshuar për kryerjen e veprës penale “Keqtrajtimi i të miturit”kryer në bashkëpunim, parashikuar nga neni 124/b dhe 22 të Kodit Penal.
Gjykata e Shkallës së Parë e Juridiksionit të Përgjithshëm Berat, me vendimin nr. 22,datë 22.02.2024, ka vendosur:
- Pranimin e kërkesës së Prokurorisë pranë Gjykatës së Shkallës së Parë Berat.
- Vlerësimin si të ligjshëm të ndalimit për personat nën hetim A.K dhe N.R.
Lexo edhe : Kërkoi masë më të butë sigurie, GJKKO lë në burg Alqi Bllakon
- Caktimin si masë sigurimi ndaj personave nën hetim atë të “arrestit në burg” të parashikuar nga neni 238 të K.Pr. Penale.
Çështja në apel u shqyrtua mbi bazën e ankimeve të paraqitura, nga personat nën hetim me iniciale A. K, dhe N. R, të cilët kërkuan ndryshimin e vendimit dhe caktimin e një mase tjetër sigurimi më të butë..
Në përfundim të gjykimit, sot më datë 27.03.2024, Gjykata e Apelit të Juridiksionit të Përgjithshëm, e përbërë nga trupi gjykues me Gjyqtar z. Fatri Islamaj, vendosi:
-Miratimin e vendimit nr. 22, datë 22.02.2024 të Gjykatës së Shkallës së Parë të Juridiksionit të Përgjithshëm Berat
