Mbi 68 mijë fermerë i janë përgjigjur thirrjes së Skemës Kombëtare, nëse e krahasojmë me 2022 kësaj herë gjithsej kanë aplikuar 5 mijë fermerë më tepër.
Kohët e fundit ministria e bujqësisë ka marrë masa për të ndihmuar fermerët shqiptarë dhe gjithashtu mbështetjen e blegtorisë. Këtë vit pavarësisht numrit të aplikimit përveç bujqësisë dhe blegtorisë do të mbështeten dhe ndihmohen edhe bletarët. Aplikimet më të shumta janë për naftën pasi kostoja është shumë e lartë dhe nuk ndikon te prodhimi i bujqësisë te fermerët nëse i ndihmon shteti.
Enio Civici zëvendës ministër i Bujqësisë raporton se:“Kërkesat më të mëdha vijnë për masën e mbështetjes me naftë, ku gjithsej janë 4 mijë aplikime. E ndjekur kjo nga masat e mbështetjes për blegtorinë qoftë për gjedhin dhe të imtën, të cilat këto të dyja bashkë bëjnë gjithsej 8.500 aplikime. Bletaria ka marrë gjithashtu shumë vëmendje, me 4000 aplikime, serat vazhdojnë te jenë të preferuara rreth 900 aplikime”.
Nëse vitet e kaluara kishte vonesa në pagesa ndaj fermerëve, këtë herë janë marrë masa për përshpejtimin e pagesave dhe përzgjedhjen e listës fituese të fermerëve, blegtorëve dhe bletarëve. Lista fituese do shpallet në faqen zyrtare të AZHBR pas verifikimit të fermave në terren dhe nuk do zgjasë më shumë se 15 ditë pune.
“Mund tju them që koha më e afërt e mundshme me te cilën mund te fillojë disbursimi është fillimi i muajit maj, pra një periudhë 2-3 javore që nga ky moment”, thotë Civici.
Ministria e Bujqësisë pritet të hapë thirrjet për programin IPARD III së shpejti.
