Pulë me qull, recetë dhe shije që të lë pa fjalë, provojeni ta gatuani edhe ju të dashur amvisë.
Përbërësit
- ½ pulë
- 2 lugë gjelle gjalpë
- 2 lugë gjelle vaj luledielli
- 2 thelpi hudhra
- 2 lugë gjelle miell
- 3 gota ujë
- 75 gram arra
- Kripë, piper.
Përgatitja
- Lani mirë pulën dhe e prisni në pjesë sipas dëshirës.
- I skuqni në një tigan ku keni shtuar më parë vajin dhe gjalpin. E skuqni mirë mishin e pulës nga të dyja anët.
- Pas kësaj i hiqni copat e pulës. Në të njëjtin tigan shtoni hudhrat e shypura, miellin dhe i përzieni mirë.
- Gradualisht shtoni ujin dhe e përzieni vazhdimisht. Shtoni arrat, kripën dhe piperin për shije.
- Pasi masa të jetë trashur disi, shtoni pulën.
- Të gjithë masën e kaloni në tavë dhe e fusni në furrë për 45 minuta në temperaturë 180 gradë.
- Ju bëftë mirë!
