Suela Saliaj është 32-vjeçarja shqiptare që u vra nga ish-bashkëshorti i saj, Renato Muhaj.
32-vjeçarja që punonte prej vitesh si bankiere, u gjet e vrarë në një apartament në Clearwater, Florida, SHBA, ndërsa policia nisi të kërkonte për vajzën 8-vjeçare të saj. Vajza e quajtur Alessia ishte rrëmbyer nga babai, dhe të hënën në mëngjes ata u gjetën në një makinë të parkuar në zonën e Belleair Road dhe St. Paul’s Drive në Clearwater.
Suela jetonte prej disa vitesh në SHBA, ku kishin emigruar më pas dhe prindërit si dhe vëllai i saj. Ajo punonte në banka dhe në profilin e saj në Linkedin, ajo kishte listuar një sërë aftësish të saj dhe faktin se kishte më shumë se 5 vite eksperiencë në shërbimin e klientit në banka.
Deri më tani motivet e krimit nuk dihen. Para ngjarjes së rëndë, shqiptari Renato Muhaj kishte dhunuar prindërit e tij dhe u kishte marrë atyre celularët, që të mos njoftonin policinë. Përveç vrasjes së ish-gruas dhe rrëmbimit të vajzës, ai akuzohet edhe për dhunimin e prindërve.
