Platforma mediatike WordPress do të shtojë një opsion nga Inteligjenca Artificiale i cili do të ndihmojë përdoruesit të editojnë një tekst.
Opsioni quhet “Jetpack AI Assistant” dhe është i disponueshëm falas për përdoruesit e WordPress.com “për një kohë të kufizuar”, me një tarifë mujore prej 10 dollarë pasi t’i keni shfrytëzuar shërbimet falas.
Është shembulli më i fundit i softuerit të gjenerimit të tekstit nga AI, por disponueshmëria e tij në një nga platformat më të mëdha të blogjeve dhe menaxhimit të përmbajtjes në botë do ta përhapë këtë teknologji edhe më tej në të gjithë web-in.
Ky opsion është prodhuar nga Automattic, kompania që zotëron WordPress.com dhe kontribuon në zhvillimin e platformës WordPress.
Automattic e përshkruan si një “partner shkrimi krijues” që i lejon përdoruesit “të gjenerojnë përmbajtje të ndryshme sipas komandës tuaj, duke reduktuar ndjeshëm kohën dhe përpjekjen e kërkuar në krijimin e përmbajtjes”.
