Vetëm pak ditë na ndajnë nga netët live të Eurosng fest 2023. Shqipëria do të prezantohet në natën e dytë gjysmëfinale më datë 11 maj.
Në këtë natë do të konkurrojnë gjithsej 16 shtete, ku vetëm 10 prej tyre do të kenë mundësinë që të shkojnë në finalen e madhe.
Zgjedhja do të bëhet nga publiku dhe juria, ku secili nga ta do të ketë nga 50 për qind të peshës në verdiktin final.
Shqipëria sivjet përfaqësohet në festivalin evropian nga Albina dhe Familja Kelmendi me këngën “Duje”, të cilën kanë zgjedhur që ta këndojnë në gjuhën e tyre amtare.
Por sipas sondazheve të ËiëiBloggs, e cila është faqja më e madhe dedikuar Eurovisionit, nuk po e nxjerrin finaliste këngën përfaqësuese të Shqipërisë.
Në një votim të hapur online, vizitorët e ËiëiBloggs janë pyetur se kush mendojnë se do të kalojë në finalen e madhe.
Dhjetë shtetet e para që kanë marrë më së shumti vota janë: Austria, Sllovenia, Armenia, Lituania, Gjeorgjia, Australia, Estonia, Qipro, Belgjika dhe Islanda.
Ndërkohë Shqipëria rezulton në këtë votim e trembëdhjeta me vetëm 3.35 për qind të votave në total.
Gjithsesi, finalistët do të përzgjidhen vetëm kur të hapet votimi në netët gjysmëfinale nga publiku dhe juria.
