Lidhur me ngjarjen e rëndë në Durrës, ka folur edhe krushku i familjes Meta, tha se vajza e tij nuk mund të vriste dot një pulë dhe jo më babain e saj. Ai tha se nuk kishin asnjë dyshim për problemet në familje.
“Kam mbetur i shokuar për ngjarjen. Ishin një familje model. Ai punonte si roje te pazari i makinave. Hygerta është një engjëll, nuk mund ta vriste dot babain e saj. Ajo nuk vriste dot një pulë, jo babain e saj.”, tha krushku për mediat.
Të tjerë familjarë janë shprehur të tronditur dhe thonë se nuk dinin asgjë.
“Nuk di asgjë. Jam shumë i tronditur. Është traditë e shqiptarit të njoftojmë njëri-tjetrin për fatkeqësi. Nuk e di si e ka bërë”, tha një familjar.
“Ne e kemi marrë lajmin nëpërmjet televizorit“, tha një tjetër i afërm.
Si ndodhi ngjarja e rëndë?
Pëllumb Meta, 50-vjeç ishte raportuar i zhdukur nga djali i 10 ditë më parë. Pas kallëzimit për zhdukje, policia ka ngritur dyshimet se mund të jetë një ngjarje kriminale dhe kanë nisur hetimet. Gjatë marrjes në pyetje të familjes lidhur me zhdukjen e Metës, ka qenë vajza e tij Hygerta Meta, e cila pasi është pyetur disa herë, ka treguar se e ka vrarë babanë e saj dhe e ka varrosur në kasollen pranë banesës së tyre.
Ajo ka treguar në polici se e ka qëlluar me armën që viktima mbante pasi punonte si roje nate. 19-vjeçarja ka treguar se motivi i vrasjes ishte sepse ai donte ta fejonte me zor dhe se kishin konflikte të vazhdueshme mes tyre. Ajo që e bë akoma dhe më të rëndë ngjarjen janë dyshimet se pjestarët e tjerë të familjes (gruaja e viktimës dhe dy djemtë) dyshohet se ishin në dijeni të ngjarjes. Policia vijon me hetimet për zbardhjen e plotë të rrethanave të ngjarjes dhe nëse ka persona të tjerë të implikuar në ngjarje.
