Bluzat e bardha të QSUT kanë mundur për herë të parë të tregojnë më të mirën në profesionin e tyre me mrekullinë e rradhës.
Falë profesionalizmit, ekipi i mjekëve të Hemodinamikës ka mundur të realizojë një ndërhyrje operacionale të vështirë në zemër.
Vendosja e aparatit CRT-D (terapi resinkronizimi dhe defribrilim i implantit kardiak) kanë mundur të shpëtojnë jetën e një 27- vjeçari
Lajmin e bën të ditur ministrja Shëndëtësisë, Ogerta Manastirliu, e cila thekson se kjo ndërhyrje është kryer për herë të parë në Shqipëri dhe operacioni ka përfunduar me sukses nga stafi i Hemodinamikës.
Postimi i ministres:
Mjekët e shërbimit të Hemodinamikës në #QSUT bëjnë mrekulli me një 27-vjeçar të cilit i shpëtojnë jetën, me një ndërhyrje të rrallë në zemër që zgjati 5 orë. Për herë të parë në Shqipëri u bë vendosja e aparatit CRT-D (terapi resinkronizimi dhe defibrilator i implantueshëm kardiak) si dhe vendosja e nje sonde subkutane për defibrilim kardiak. Pajisjet CRT-D janë pajisje shumë të kushtueshme dhe bartin një shkallë të lartë vështirësie për t’u vendosur, por falë investimeve të kryera në QSUT dhe kualifikimit të stafit mjekësor, u bë e mundur ndërhyrja delikate që rezultoi e suksesshme për të riun 27-vjeçar. Urime ekipit me Dr.Ormir Shurdha, Dr. Mirald Gina, stafi i Hemodinamikës me kryeinfermiere Ledja Grrica, me një ndihmesë të veçantë për anestezinë nga Dr. Saimir Kuçi.
