Cigaret elektronike janë të dëmshme njësoj si cigaret e tjera pas një studimi të bërë nga kompania Inter Scientific. Produktet e përbërësve të cigareve duhet të jenë të afishuara dhe nuk mund të anashkalojmë dëmet që mund të shkaktohen pas pirjes së saj.
Deri më sot konsumimi i cigareve të cilësuara pa nikotinë janë përdorur nga përdoruesit e cigares, pa pasur merak dhe në mirëbesim të fjalës që nuk përmban nikotinë.
Sipas një hulumtimi dhe studimi të bërë nga kompania Inter Scientific ku shefi ekzekutiv në Inter Scientific, David Lawson flet kujdesin që duhet të kenë jo vetëm përdoruesit, por kompania duhet të shikojë listën e përbërësve të cigareve elektronike.
Duhet të kenë udhëzime për problematikat që mund të shkaktohen pas përdorimit dhe sëmundjet e ndryshme të cilat mund të shfaqen në çdo moment.
Një tjetër shqetësim është edhe për John Herriman, shefi ekzekutiv i Institutit Chartered Trading Standards, ku shiten në shumicë cigaret elektronike dhe pa asnjë rregullore.
Nga ana tjetër zëdhënësi i Departamentit të Shëndetësisë dhe Kujdesit Social në Britani jep një deklaratë : “Ne nuk do të tolerojmë shitjen e produkteve të paligjshme dhe do të ndërmarrim veprimet e nevojshme për t’i hequr ato nga raftet dhe për t’i ndaluar të kalojnë kufijtë tanë”.
Thekson se do të ndalohet dalja e produktit nga vendi i tyre që të shitet në vendet e tjera. Sugjeron marrjen e masave dhe parandalimin e shitjeve të paligjshme jashtë çdo rregulloreje të këtyre cigareve elektronike.
Problem për të gjithë përdoruesit që nuk dinë çfarë po përdorin dhe dëmtojnë vetë shëndetin e tyre. Për tu kujdesur për shëndetin duhet të jenë të vëmendshëm ndaj detajeve të vogla, që mund t’iu duken të parëndësishme, por për jetën, shëndetin dhe të ardhmen e secilit prej nesh ka shumë vlerë.
