Është mbyllur hetimi i thelluar në tregun e prodhimit dhe shitjes me shumicë të vajit vegjetal, pasi Autoriteti i Konkurrencës nuk konstatoi shkelje ligjore.
Nga analiza e bërë rreth çmimit të shitjes me shumicë të vajit të lulediellit rezultoi se gjatë periudhës hetimore, rritja e çmimit të shitjes ka reflektuar çmimin mesatar të importit.
Gjithashtu u konstatua se çmimet mesatare mujore të shitjes me shumicë të përafërta me këto normalet, ndaj për këto arsye Komisioni i Konkurrencës vendosi mbylljen e procedurës së hetimit të thelluar dhe ndërmarrjeve si Agro Blend, Bomira, Devi 20 – Grup, Eqerem-934, Ferra & Co SHPK, Globcom, Kriket-1, Teuta Durres dhe PDF.
Çelja e hetimit në tregun e importit prodhimit me shumicë të vajit vegjetal u bë më shumë se një vit më parë, konkretisht 18 mars 2022.
Ky hetim u hap në vijim të rritjes së fortë të çmimeve të produktit të vajit në tremujorin e parë të vitit të kaluar, konkretisht bëhet fjalë për periudhën kohore në 20 maj 2021 deri në 18 mars 2022.
Rritja e çmimit vegjetal pësoi një rritje të fortë veçanërisht pas Luftës në Ukrainë gjë e cila nuk do të zgjaste shumë, pasi ato nisën të bien në fillim të vitit 2022. Aktualisht çmimet janë kthyer përafërsisht në nivelet në të cilat ndodheshin para valës së rritjes.
