Edhe pse ChatPT po shpërndahet fuqishëm në shumë vende Kina qëndron e distancuar duke bllokuar aksesin tek qytetarët e saj pasi AI përdoret për propagandë online.
Shumë prej kompanive teknologjike në vend janë urdhëruar të mos aksesojnë në këtë chatbot veçanërisht kompanitë e rrjeteve sociale.
Ky hap vjen pasi, ChatGPT ka gjeneruar përgjigje që censurohen nga Partia Komuniste Kineze. Por nga ana tjetër qytetarët mund të gjejnë një zgjidhje duke hyrë në app nëpërmjet një IP të një tjetër shteti.
Qeveria Kineze është shteti me më shumë kufizime ndaj zhvillimeve të internetit e medias, duke censuruar lajme, ambiente online e deri dhe tek rrjetet sociale.
Chat GPT rradhitet tek shërbimet si YouTube, Instagram, Reddit, Wikipedia dhe disa shërbime të Google që vijojnë të mbeten të bllokuara për qytetarët.
Kina “po godet” shërbimet nga SHBA me të njëjtën monedhë që SHBA po godasin TikTok, me akuzat se aplikacioni vjedh të dhënat dhe i vë ato në dispozicion të qeverisë kineze. Megjithatë me shumë mundësi dhe në Kinë do të krijohet një version i ri i ChatGPT i cili do të mund të përdoret nga qytetarët në Kinë. Alibaba dhe NetEase janë në fazat e para të zhvillimit të një chatbot të ngjashëm.
