Kërcitja e dhëmbëve e njohur ndryshe edhe me emrin bruksizëm, lidhet me një sër faktorësh të ndyshëm të cilët ndikojnë në të.
Bruksizmi është një shqetësim i cili nuk zbulohet lehtësisht. Personat të cilët vuajnë nga kjo, shpesh zgjohen në mëngjes me dhimbje të forta nofulle. Nëse ajo nuk trajtohet në kohë kërcitja e dhëmbëve arrin të shkaktojë enjtje të gjendrave limfatike që gjenden në qafë. Ajo shkakton kriza të forta dhimbjesh në zonën e tëmthave, tensjon në nyjet lidhëse të nofullave, përtypje të keqe të ushqimit, erë të keqe orale.
Nëse lihet i pa trajtuar ky fenomen mund të përkeqësohet deri në dëmtimit të shëndetit të dhëmbëve por dhe në deformimin e nofullave.
Sipas psikologëve , duke qenë e kërcitja e dhëmbëve është dicka e pavullnetshme, gjendja e rënduar psikologjike ndikon në përkeqësimin e saj.
Gjatë orarit të gjumit, emocionet e akumuluara gjatë ditës shumë persona i përjetojnë përmes ëndrrave, ndërsa disa të tjerë me reagime fizike. Emocionet gjatë orëve kur jemi të vetëdijshëm, kanë qenë të shtypura, dhe në momentin kur ne flemë, ato lirohen. Personat që kërcasin dhëmbët, e kanë të vështirë të kontrollojnë ndjenjën e inatit.
Shumë personave ju ndodh që ti kërcasin dhëmbët edhe gjatë ditës, diçka e tillç tregon që problemi është i agravuar.
Ja çfarë të bëni nëse kërcini dhëmbët.
Si fillim sigurohuni nëse jeni të vërtetë nga bruksizmi apo jo, pasi shumë persona nuk e kuptojnë.
Nëse dyshoni se keni, atëherë duhet të bëni një vizit tek dentisti. Dentisti mundet ti trajtojë këto probleme deri në një farë pike, ndërsa problemet e tjera siç janë shtrembërimi i nofullave që më pas shkakton mos përtypjen e duhur të ushqimit, kanë nevojë për specialist të tjerë.
Mjekët ORL janë ata që mund të përcaktojnë saktë dhe dëmet në lidhjet e muskujve dhe nyjeve në zonën e gojës, nofullave dhe qafës.
Këto simptoma lidhen me nervozizmin, krizat e panikut dhe me depresionin. Prandaj është e rëndësishme që të merreni dhe me gjendjen psikologjike.
Mundohuni të gjeni një mënyrë për të çliruar emocionet. Të marreni me një sport, aktivitet fizik të çfardoshëm, kështu fokusi i trurit do të zhvendoset dhe trupi do të arrijë të qetësohet.
