Pas nënshtrimit të transplantit të qelizave staminale, është bërë i mundur shërimi i një personi nga HIV. Revista shkencore Nature, thotë se bëhet fjalë për një burrë moshës 53- vjeçare, i cii u operua në palcë kurizore për të trajtuaer leuceminë.
Ashtu si pacientët “London” dhe “Berlin”, dhuruesi kishte një mutacion të rrallë që jep rezistencë ndaj llojeve të caktuara të HIV-it, si HIV-1.
“Kjo nënvizon se këto qasje janë premtuese dhe gjithashtu të riprodhueshme, pasi nuk mbetet një rast i izoluar”, tha Jürgen Rockstroh në një deklaratë.
Megjithatë, theksuan studiuesit, trajtimi nuk ka qenë i suksesshëm për disa pacientë të tjerë që e kanë marrë atë.
Edhe pse ka ende debate se çfarë do të thotë të “shërohesh nga HIV”, rasti i ri i shtohet dy rasteve të mëparshme të kurimit të HIV-it duke përdorur të njëjtin lloj transplanti të qelizave staminale si pacienti nga Berlini dhe ai nga Londra.
“Është e vështirë të vërtetohet përfundimisht se dikush është shëruar nga HIV, sepse virusi mund të mbetet i fshehur brenda qelizave imune me jetë të gjatë dhe metodat e disponueshme për t’i zbuluar ato janë të kufizuara”, deklaron eksperti për HIV Sharon Lewin dhe kolegia Jennifer Zerbato në The Lancet në 2020 .
Ekziston një receptor në qelizat e synuara të virusit HIV të quajtur CCR5. Të tria rastet përfshinin pacientë HIV-1 pozitivë të cilët iu nënshtruan një transplanti të qelizave staminale nga një donator me të dyja kopjet e një mutacioni të rrallë, por natyral të CCR5.
Materiali gjenetik i virusit HIV ishte kryesisht i pazbulueshëm, përveç gjurmëve sporadike të zbuluara në disa mostra të gjakut dhe indeve limfatike. Këto rezultate janë dëshmi e fortë se HIV-1 ishte shëruar, thanë studiuesit.
