Shteti fqinj Italia është zgjuar në ditë zie, pasi ka ndërruar jetë ish – kryeminstri i vendit Silvio Berlusconi. Berlusconi vuante prej kohësh nga sëmundja e leuçemisë. 86- vjeçari njihej dhe si një miliarder e manjat i mediave, fillimisht erdhi në pushtet në vitin 1994 dhe drejtoi qeverinë katër herë deri në vitin 2011.
Ai drejtoi partinë e qendrës së djathtë, Forza Italia, duke hyrë në koalicion me kryeministren Giorgia Meloni pas zgjedhjeve të shtatorit, ku ai u zgjodh në Senat.
Por kush ishte Silvio Berlusconi?
Ai lindi në Milano në 29 shtator 1936 dhe ka qënë drejtues i kompanisë MediaSet politikan i njohur italian dhe ish kryeministër i Italisë.
Silvio Berlusconi pasi kreu fakultetin Juridik filloi të merret me fushën e ndëtimit. Ndërkohë formoi shtëpinë mediatike Fininvest e cila me kalimin e kohës përfshiu të gjitha radio stacionet dhe TV private dhe gazetat në Itali. Duke iu falenderuar këtyre dhe lidhjeve me Partinë Socialiste dhe me udhëheqësin e saj Bettino Craxin, u bë njëri ndër njerëzit më me ndikim dhe më të pasur në Itali. Mandej u bë pronar i klubit futbollit AC Milan, i cili i solli popullaritet të madh në Itali dhe Evropë.
Në tetor të vitit 1993 ai filloi lëvizjen politike të qendrës së djathtë Forza Italia, përforcuar në janar vitin e ardhshëm, në vitin 2008 ajo u bashkua me Popolo della Libertà dhe pastaj u ri-themelua në vitin 2013.
Silvio Berlusconi disa herë ishte dhe është edhe sot kryeministër i Italisë. Pasuria e tij vlerësohet 9,4 miliardë dollarë amerikanë dhe është njëri nga njerëzit më të pasur të Italisë.
Kujtojmë se ai ishte shtruar në spital që nga e premtja, më 9 qershor, për shkak të përkeqësimit të gjendjes së tij shëndetësore dhe ndërroi jetë në moshën 86-vjeçare në spitalin San Raffaele në Milano.
