Muaji shkurt është paraqitur i mbarë për hotelet ku kishte një rritje të vizitorëve.
Muajt e fundit sipas raportimit nga INSTAT numri i vizitorëve u rrit me 21.7%. Gjithashtu shprehet se nuk u rrit vetëm numri i vizitorëve por u rrit numri i netë-qëndrimeve me 6.2 për qind sidomos nga vendet e huaja.
Ndryshe nga viti i kaluar këtë vit kemi një zhvendosje të vendit të përzgjedhur nga turistët, ku vendi i preferuar duket se është turizmi malor, të cilin ofron Shqipëria dhe vizitorët më të shumtë kanë shkuar në rajonin e veriut, raporton INSTAT.
Po të krahasojmë vitin e kaluar me këtë vit kemi një rritje prej 98 për qind të vizitorëve që qëndrojnë në rajonin verior. Pa diskutim që edhe në bregdet kemi afërsisht 74 për qind në rritje të pushuesve dhe preferenca të tyre, por më pak se turizmi malor.
Sipas statistikave janë 58 371 shtetas të huaj dhe rreth 48 mijë rezidentë që kanë zgjedhur të qëndrojnë në hotele. Rezervimet më të mëdha bëhen në rajonin qendror të vendit pranë Kryeqytetit. Në muajt në vijim me shumë mundësi rritje do të kenë zonat bregdetare pasi është periudha e plazhit.
Pra, një rritje kanë pasur dhe shtëpitë private me 2.3 herë më shumë se vitin e kaluar, ndërsa qëndrimi i turistëve me rulota ka qenë në rënie. Vizitorët më të shumtë ishin nga Kosova, Italia, Gjermania, Anglia dhe SHBA.
