UEFA sërisht ka zgjedhur edhe për 4 vite të tjera në krye te saj Aleksandër Ceferin. Presidenti i Federatës Shqiptare të Futbollit Armand Duka, ka fituar mandatin e dytë në Komitetin Ekzekutiv të qeverisë së futbollit europian.
60-vjeçari Duka do të jetë një nga nëntë anëtarët e Komitetit Ekzekutiv të UEFA-s deri në vitin 2027. Presidenti i FSHF-së ka marrë 45 vota, duke qenë kështu edhe më i votuari në Kongresin e UEFA-s, që u zhvillua sot në Lisbonë, ku merrnin pjesë drejtuesit e 55 federatave europiane.
Rizgjedhja e Dukës është një lajm pozitiv për futbollin shqiptar, që do të ketë një përfaqësues në organin vendimmarrës të institucionit që drejton futbollin europian. Kreu i FSHF-së ishte zgjedhur për herë të parë si anëtar i Komitetit Ekzekutiv në vitin 2019.
UEFA ka rizgjedhur edhe për 4 vjet të tjera Aleksandër Ceferin në krye të saj, ndërsa Armand Duka, presidenti i Federatës Shqiptare të Futbollit, ka fituar mandatin e dytë në Komitetin Ekzekutiv të qeverisë së futbollit europian.
