Kanë gati 3 muaj që nuk marin pagat, ndaj punonjësit e portit të Shëngjinit dolën sërisht në protestë. Ata u mblodhën këtë mëngjes brenda ambjeneteve të kësaj ndërmarrjeje, duke kërkuar që të gjendet zgjidhje për këtë problem. Në mbështetjen e tyre ishte dhe kreu i Konfederatës së Sindikatës së Shqipërisë, Kol Nikollaj i cili ka kërkuar që institucionet të marrin masa dhe t’i jepet zgjidhje kësaj situate.
Kol Nikollaj: Erdhëm sot në port, pasi prej ditësh ata nuk janë paguar por krahas kësaj janë përballur me një sërë problemesh të cilat kanë agravuar ndonëse në vite. Konfederata garanton qe do t’i mbrojë këta punonjës jo vetëm përballë punëdhënësit por dhe drejtësisë. Siç u informuam sot këtu ka probleme më të thella sesa administrative, pasi Kontrolli i Shteti ka lënë detyra që nuk janë zbatuar, flitet se ka trafiqe interesash politike dhe korrupsion. Ne do të bëjmë të pamundurën që punonjësit të marrin pagën dhe të trajtohen si duhet.
Kujtojmë se në këtë ndërmarrje janë rreth 117 punonjës të cilët kanë shprehur shqetësime në lidhje me problemet për pagat, pas vështirësive financiare të cilat po përballet prej muajsh Drejtoria e Portit. Punonjësit kanë protestuar lidhur me mos marrjen e pagës edhe në datën 21 mars, ku paralajmëruan bllokim të punës nëse nuk i jepej zgjidhje.
Punonjësi: Nuk ka më rroga, janë ndërruar 7 drejtora, menazheri dhet të jetë menaxher. Ka një keqmenaxhim të portit, nuk kemi asnjë lloj vegle, punojmë pa masa sigurie, punojmë i minerë sipër toke.
Punonjësi: Situata me pagën nuk është e mire, e kemi 2 mijë e 800 lek në ditë, dhe rrogat nuk na i japin. Punojmë pa kokre, pa këpucë pa rroba sigurie, thjesht punojmë. Nuk na flasin dhe nuk na marrin parasysh për asnjëgjë.
Problematike në port paraqitet edhe situata për punonjësit e zjarrëfikses ku shprehen se nuk kanë kushte pune, mjete për të punuar si dhe nuk marrin benefitet që i’u takojnë.
Punonjësi: Dua t’ju raportoj specifikisht për raportin e zjarrfiks të portit të shëngjimit. Jemi i vetmi raport zjarrfiks pa status, që nuk marrim orë nate, uniformë pune, vjetërsi dhe ju garantoj se sjarrfiksa ka 4 muja pa marrë karburant për të bërë punëne vetë. Drejtuesi i ndërmarrjes e pengon me qëllim këtë gjë.
Punonjësi: Para pak ditësh bëmë një takim me punonjësit e zjarrëfiksit dhe tի gjithë ata që janë penalizuar sipas rrogave. Po bën tre muaj që nuk kemi marrë rrogat, disa i kanë marrë disa të tjerë jo. Shefi i finances e ka futur rrogën e vetë, një pjesë i kanë paguar një pjesë tjertër jo. Porti ka rreth 117 punonjës, disa vijë, të tjerët nuk e dime ku janë. Vazhdojmë të punojmë edhe pa rroga. Situata e krijuar ka ardhur nga keqmenaxhimi, mbingarkesa e portit dhe po e çojnë atë drejt falimentimit. Një pjesë e të ardhurave që kemi marrë janë larguar për shkak të fabrikës së çimentos ose të të hekurit, i cili nuk shkarkohet më këtu por në Durrës.
