Ish-Myftiu i Tiranës, Ylli Gurra, ka folur në lidhje me shpenzimet e larta që bëjnë shqiptarët për një ceremoni varrimi.
Në një intervistë për “Goodmorning Alanians”, ka habitur me deklaratën e tij, teksa shpreh se ka persona VIP, të cilët kanë shpenzuar deri në 200 mijë euro për një varr për familjarët e tyre.
Këto shpenzime, marr në konsideratë pllakat e mëdha të merrmerit të ardhur nga jashtë, po kthehet në një problem shqetësues duke zënë hapsirën përreth, ç’ka i detyron të tjerët të varrosen 2-3 persona në një vend.
“Anarkia e 30-viteve ka shoqëruar edhe të vdekurit, jo për fajin e tyre por për fajin tonë. Unë herë pas here shkoj edhe në Sharrë edhe në Tufinë, kemi shpenzime tejet çdo limiti. Ka shpenzime 100 mijë euro një varr. Unë kam dhe emra që nuk është vendi për t’i përmendur, 200 mijë euro shpenzime. Janë deri diku persona VIP, por ka dhe njerëz normal me 30-50 mijë euro një varr.
Familjarët pas disa vitesh shkojnë në atë pendimin që ishte i panevojshëm. Plus që kanë uzurpuar një hapësirë shumë të madhe dhe detyrohen të tjerët të kryejnë varrime mbi varrime”, u shpreh Gurra.
