Deputeti demokrat Edi Paloka, e ka parë me pesimizëm një mesazh të fundit të Presidentit ukrainas Volodymyr Zelensy, i cili ndodhet në Shqipëri këto dy ditë për të marrë pjesë në Samitin Ukrainë – Evropa Juglindore, sidomos për pjesën e mbështetjes financiare, aq kritike për atë vend në luftë.
Përmes një postimi në rrjetet sociale Paloka thekson se “Zelensky e di Shqipërinë “një vend të pasur”!!! – shkruan Paloka.- Me siguri që këtë përshtypje e ka krijuar prej sheikut tonë Kryeministër.
“Charter” gjigand, kostumet e shtrenjta dhe fryrjet prej laci të Ramës do t’ia kenë krijuar këtë perceptim, Presidentit ukrainas që mendon se po aq të pasur duhet të jenë dhe shqiptarët dhe vjen për të marrë mbështetje financiare (siç shkruan):, përfundon deputeti dhe publikon edhe mesazhin në rrjetet sociale të Zelensky.
