Sot ishte parashikuar që të mbahej seanca e parë në themel në Gjykatën Anti Korrupsion për 20 të akuzuarit për inceneratorin e Fierit dhe shtatë subjekteve.
Kemi një ndryshim të seancës, pasi një pjesë e avokatëve dhe të pandehurve nuk u njoftuan. Në sallën gjyqësore nuk ishte i pranishëm ish-ministri i Mjedisit Lefter Koka dhe ish-sekretari i përgjithshëm Alqi Bllako, por ata përfaqësoheshin nga avokatët e tyre.
Sipas policisë nuk kanë mundur të gjejnë adresat e banimit prej disa të pandehurve dhe adresat e kompanive që dyshohen për akuzën pastim parash. Dosja e të akuzuarve është shumë voluminoze dhe për këtë arsye apeli i palëve ka vonuar rreth dy ore e gjysëm
Janë akuza të ndryshme që prekin të dyshuarit si korrupsioni pasiv i nëpunësve publikë shpërdorimi i detyrës deri te pastrimi i parave. Gjithashtu, SPAK ka përpiluar nga fillimi akuzat për rikualifikimin e veprave, pasi avokatët e tij mbrojtës ngritën pretendimin në seancën paraprake se pozicioni i sekretarit të Përgjithshëm të Ministrisë së Mjedisit, Alqi Bllakos nuk është ai i funksionarit të lartë.
SPAK u detyrua, me urdhër të gjykatës, të rishikojë akuzën e korrupsionit të nëpunësve publikë dhe nga ana tjetër, ka pranuar dhe kërkesën e avokatëve të tjerë mbrojtës, duke rishikuar veprën e korrupsionit në sektorin privat. Sipas pretendimeve të avokatëve mbrojtës duhet të rishikohen dhe të verifikohen akuzat e ngritura me ushtrimin e profesionit të tyre sepse sipas tyre nuk ishin në atë pozite që dyshoheshin për akuzat e ngritura.
Sanca pritet të mbahet me 9 maj, mbetet për tu parë se çfarë do ndodhë në seancën e rradhës.
