Miliarderi i teknologjisë Bill Gates ka paralajmëruar Australinë që të jetë gati për pandeminë e ardhshme, e cila mund të jetë e krijuar nga njeriu dhe shumë më brutale.
Z. Gates i tha Institutit Lowy në Sydney të hënën se udhëheqësit politikë duhej të linin mënjanë dallimet e tyre dhe të punonin së bashku për t’u përgatitur për virusin e ardhshëm.
Ai bëri thirrje për një bashkëpunim më të madh global duke përdorur pandeminë Covid-19 si një shembull se si vendet mund të përmirësojnë përgjigjen e tyre nëse punojnë së bashku.
“Krahaso koston ekonomike të përgatitjes për të rradhën me koston e këtij, mbi 10 trilion dollarë humbje ekonomike,” tha ai.
“Me pandeminë ishim budallenj që nuk kishim mjetet, praktikën dhe kapacitetin global për të qenë në gatishmëri siç bëjmë me zjarrin ose tërmetet.”
Gates vlerësoi politikat e Australisë për të ndihmuar në mbajtjen e niveleve të infeksionit të ulëta përpara se të shpërndaheshin vaksinat.
“Disa nga gjërat që bien në sy janë se Australia dhe rreth shtatë vende të tjera bënë diagnostikime në shkallë të popullsisë që herët dhe kishin politika karantine,” tha ai.
“Kjo do të thotë që ju e keni mbajtur nivelin e infeksionit të ulët në vitin e parë kur nuk kishte vaksina.”
Themeluesi i Microsoft, i kthyer në filantrop, tha se nevojitet një rend ndërkombëtar i qëndrueshëm i bazuar në vullnetin e ndërsjellë politik për t’u marrë me pandemitë e ardhshme.
“E vetmja gjë që mbetet ende në ekuilibër është nëse ne kemi kapacitetin global dhe në nivel rajonal dhe vendor që do të thotë se kur shfaqet një kërcënim (sëmundje infektive), ne veprojmë në atë mënyrë që ai të mos bëhet global ”, tha zoti Gates.
“Ne duhet të bëjmë çdo pesë vjet një stërvitje gjithëpërfshirëse si në nivel vendi ashtu edhe në atë rajonal të gatishmërisë ndaj pandemisë dhe keni nevojë për një grup global që po shënon të gjithë.”
