Komisioni Qendror i Zgjedhjeve dha vendimin sot për rezultatin e zgjedhjeve për 12 këshilla bashkiak dhe 12 mandate për kryetar bashkie.
Ndër këto vendime është dhe mandati i Himarës që e ka fituar kandidati i koalicionit Berisha Meta ‘Bashkë Fitojmë’, Fredi Beleri i cili ndodhet në burg për shitblerje votash.
KQZ vendosi që të miratojë rezultatin për bashkinë Himarë, ku Fredi Beleri fitoi me 19 vota më shumë se kandidati i PS, Jorgo Goro.
Ky aspekt procedurial mund të kthehet në ngërç për Belerin i cili ndodhet pas hekurave të 313-s në Tiranë, dhe mbetet për tu parë se si do të veprohet në kushtet kur një kryetar bashkie para se të nisë punën duhet të betohet në Këshillin Bashkiak.
