Kanë kaluar afro 9 muaj pas incidentit në zonën e Bradasheshit në Elbasan ku telat e tensionit të lartë u këputën dhe ranë në banesat e banorëve duke shkaktuar dëme të shumta në pasijet elektroshtepiake të tyre.
Ndonëse ndërhyrja ishte e menjëhershme familjet të cilët u goditën nga rryma e tensionit të larte ende nuk ka marë një kompesim për dëmet e shkaktuara, ata shprehen që prej asaj ditë jetojnë nën kërcenimin e telave të tensionit të larte që qëndrojnë mbi banesat e tyre. Ndonëse premtimet kanë qenë të shumta deri më tani nuk është marë asnjë masë për këto familje.
Banorët shprehen se kabllot e tensionit të lartë nuk kanë siguri pasi 1 muaj më parë sërisht ndodhi një incident, ku fatmirisht tensioni I lartë goditi barishte dhe përveç djegjes së tokave nuk patën dëme në banesa.
Ndërkohë burime nga OST dhe OSHE bëjnë me dije se dokumentacioni I dëmëve është dërguar parë drejtorisë qëndrore dhe janë në pritje të vendimit për kompesimin e banorëve. Shkëputja e telave të tensionit të lartë më datës 12 Korrik të vitit të kaluar në Bradashesh të Elbasanit ka goditur mbi 15 familje, ku dëmet më të shumta ishin ato elektroshtepiake.
