Ambasadori i holandez, Reinout Vos nga Korça ka folur për dy samitet e zhvilluara ne vend si dhe për situatën politike. Ambasadori holandez në lidhje me bllokimin e Kuvendit nga opozita tha se parlamenti është zemra e shtetit dhe se është për të ardhur keq që procedurat parlamentare nuk kanë qenë në rrjedhën e duhur gjatë muajve të fundit.
Ai ndër të tjera u bëri thirrje partive politike që të kontribuojnë në të gjitha procedurat normale të jetës parlamentare.
“Në një vend demokratik parlamenti është zemra e gjithë shtetit dhe është për të ardhur keq që në një muaj procedurat parlamentare nuk kanë qenë në rrjedhën e duhur dhe unë ju bëj thirrje partive politike që t’i rikthehen procesit institucional të parlamentit në mënyrën më të mirë të mundshme sepse edhe njëherë parlamenti është zemra e demokracisë.
Të gjitha partitë politike duhet të kontribuojnë në të gjitha procedurat normale të jetës parlamentare dhe për këtë arsye ne kemi një komunikim të vazhdueshëm me të gjithë partitë politike në Shqipëri. Për momentin kemi bllokime të gjithë procedurave parlamentare ku një ndër to është edhe reforma elektorale. Europa është e bërë nga uniteti dhe nga diversiteti dhe për rrjedhojë ne nuk kemi një recetë fikse se si mund të organizohet demokracia në institucionet tona kjo varet vetë ne nga institucionet shqiptare për ti riorganizuar këto elementë”, tha ndër të tjera ambasadori.
