Më shumë se tre orë e gjysmë ka qëndruar në SPAK ish-deputeti Ralf Gjoni. Ai në një deklaratë për mediat ka treguar arsyen pse u thirr.
“Jam pyetur si shtetas në cilësinë e të angazhuarit në angazhime dhe pozicione shtetërore. Nuk u pyeta si person në hetim. Nuk ka arsye për të më hetuar mua. Nuk kam qenë pjesë e dosjes së ish presidentit Meta, se s’kam qenë në kontakt me të kur ka qenë kryetar shteti.
Nuk ka asnjë arsye për të më hetuar mua. Nuk mund ta them më shumë, mund të pyesni prokurorët. Dua të respektohem dhe dua të tregohem profesional, kaq kisha për të thënë.”
Edhe pse Ralf Gjoni ishte tejet i rezervuar për ato çfarë është pyetur, burime thonë se ai u thirr në lidhje me hetimet për çiftin Meta-Kryemadhi.
Nga burime jo zyrtare të SPAK bëhet me dije se Ralf Gjoni është pyetur në lidhje me hetimin që ka të bëjë me çiftin Meta-Kryemadhi, që lidhet me disa çështje, me aferën CEZ DIA dhe lobimit me SHBA
