Ndonëse po i vjen fundi, ky edicion i Big Brother Vip Albania do të mbahet mend gjatë për flirtimet e ngacmimet e shumta që ka patur mes konkurentëve.
Jori, Lorenci dhe Gerti fituan misionin e fshehtë nga Vëllai i Madh.
Dy netë më parë ata kishin si mision të shkatërronin të gjithë shtëpinë dhe të mos tregonin që e kishin bërë ata.
Banorët nuk e gjetën saktë se cilët prej banorëve e kishin katandisur shtëpinë ashtu, për pasojë grupi që kishte misionin, u shpall fitues.
Vëllai i Madh lajmëroi dje që nëse ata e fitonin këtë mision, atëherë do kishin një avantazh. Për këtë arsye, Jori, duke qenë se është e vetmja vajzë, duhet të zgjidhte mes Gertit dhe Lorencit, se me cilin prej tyre do dëshironte të darkonte në suitë. Gerti u tërhoq menjëherë duke thënë se po i vinte gjumi, dhe se nuk donte të bëhej pjesë e shpërblimit.
Menjëherë Jori zgjodhi Lorencin. Biseda mes tyre ishte e përgjithshme, ku folën për defektet e njëri-tjetrit, çfarë pëlqen njëri te tjetri, por folën edhe për lojën. Ndonëse në sytë e publikut kanë qënë të pa evitueshme momentet kur dyshja i ka shprehur pëlqim njëri tjetrit.
