Një 25 vjeçar ka rënë në prangat e policisë italiane, pas grabitjes në një banesë.
I riu sëbashku me disa persona të tjerë të shpallur në kërkim, kanë grabitur një grua të moshuar.
Sipas uniformave blu të Cueres, shqiptarit i janë gjetur 2 pashaporta, ku njëra sipas verifikimeve ka rezultuar false.
Shqiptari ka përdorur mjetin prerës, thikë, duke i kërkuar të moshuarës paratë e ndodhura në banesë. Kjo e fundit nën kërcënimin e armës së ftohtë iu ka dorëzuar rreth 20 mijë euro. Nuk ka mjaftuar kjo, por grabitësit para se të largoheshin nga banesa e zonjës, e kanë mbyllur në garderobë.
