Mjaft më ja keni vënë fajin stresit si shkaktar kryesor i rënies së flokëve tuaj. Ekspertët ju këshillojnë të ndryshoni rutinën tuaj të mënyrës se si ushqeheni.
Ushqimet e shëndetshme mund të ndihmojnë flokët tuaj të qëndrojnë të fortë dhe me shkëlqim. Ajo që hani gjithashtu mund t’ju ndalojë edhe të humbni flokët. Nëse nuk merrni ushqimet e duhura me përbërës të shëndetshëm atëhere mund ta vëreni te flokët tuaja. Omega-3, luan një rol kryesor në shëndetin e lëkurës, flokëve dhe thonjve tuaj. Duhet të hani disa nga këto ushqime, të cilat janë të pasura me omega-3, çdo ditë: Salmon, tuna,dhe peshq të tjerë të yndyrshëm Vitaminat B6, B12 dhe acidi folik janë gjithashtu të rëndësishme për flokët tuaj.
Vegjetarianët shpesh nuk marrin mjaftueshëm sasi të tyre. Ushqimet me B6 përfshijnë banane, patate (të bardha dhe të ëmbla), dhe spinaq. Burime të mëdha të B12 përfshijnë mishin, shpendët, peshkun dhe produktet e qumështit. Ju mund të merrni acid folik me shumë fruta dhe perime të freskëta, veçanërisht agrumet dhe domatet. Produkte me drithëra integrale dhe të fortifikuara, fasule dhe thjerrëza gjithashtu.
Proteina është gjithashtu shumë e rëndësishme për të mbajtur flokët tuaj të shëndetshëm, por shumë njerëz nuk marrin sa duhet. Mishi i peshkut dhe mishi i pulës, vezët dhe produktet e sojës janë burime të mira. Ushqimet e duhura mund të jenë vërtet të mira për flokët tuaja, por humbja e flokëve ka shumë shkaqe. Ndonjëherë, faktorët gjenetikë si te meshkujt tullac mund të luaj rol. Sëmundja e tiroides, anemia, sëmundjet autoimune dhe çështjet e hormoneve gjithashtu mund të shkaktojnë ndryshime ose humbje të flokëve.
