Kjo recetë e thjeshte për Trileçe do ju pëlqej pa masë. Pandispanja e butë e lagur me qumësht dhe duke shtuar ëmbëlsinë e qumështit të kondensuar, bashkuar me kremin karamel do të bëjë të çmendeni për këtë ëmbëlsirë.
Contents
Përgatitja e trileçe thjeshte me krem karamel ndahet ne tre faza. Në fillim përgatisim pandispanjen. Kombinimi i tre qumështeve dhe në fund kremi sipër dhe karameli.
Përbërësit
Për përgatitjen e pandispanjës nevojiten
- 5 kokrra vezë
- 200 gr sheqer
- 200 gr miell
- 1 pako fryrës ëmbëlsire
- 1 pako esence vanilje
- pak kripë
- 100 ml ujë
Për përgatitjen e tre qumështave nevojiten
- 700 ml qumësht Lufra
- 200 gr qumësht i kondensuar
- 200 gr ajkë qumështi
Për përgatitjen e kremit nevojiten
- 200 gr ajkë qumështi
- 250 gr krem karamel
Përgatitja
Përgatitja e pandispanjës
- Përgatitja e trileçes fillon me pandispanjën pasi duhet të ftohet më pas.
- Për të përgatitur pandispanjën fillimisht ndajmë të bardhat dhe të verdhat e vezëve.
- Rrahim të bardhën e vezës dhe shtojmë pak kripë, derisa të fillojë të shkumëzohet, shtojmë pak nga pak gjysmën e sheqerit dhe e trazojmë derisa të bëhet shkumë e plotë.
- Më pas rrahim të verdhat e vezëve dhe shtojmë pjesën tjetër të sheqerit, derisa të fillojë të zbardhet, shtojmë ujin gradualisht dhe e përziejmë derisa të fryhet mirë.
- Përziejmë miellin, vaniljen dhe fryrësin. Duke i situr i hedhim në enë dhe i përzierë me një shpatull.
- Përziejmë të bardhën e vezës me të verdhat nga poshtë lart me kujdes për të mos ulur shkumën.
- Masën e hedhim në tavë me një letër kuzhine dhe e pjekim në furrë të parangrohur në 150 gradë për 40 minuta
Përgatisim 3 qumështat për Trilece
- Fillimisht hedhim qumështin Lufra të pasterizuar, 100% natyral dhe pa konservues pasi me këtë qumësht pandispanja del më e butë. Shtojmë me pas qumështin e kondensuar dhe në fund ajkën e qumështit. I përziejmë derisa të jetë masë homogjene.
- Pasi pandispanja të jetë pjekur dhe ftohur, e kthejmë në tepsi dhe heqim letrën e pjekjes.
- 3 qumështat i hedhim sipër pandispanjës dhe presim disa minuta derisa ta thithi. Nëse është e nevojshme e shpojmë me kunja dhëmbësh.
- Me ndihmën e rrahëses rrahim ajkën e qumështit derisa të formohet krem. Kremin e shpërndajmë mbi pandispanjë, me ndihmën e një shpatulle kuzhine e përhapim në të gjithë sipërfaqen.
- Pasi kemi vendosur kremin sipër, trileçes i hedhim kremin karamel dhe e përhapim. E zbukurojmë me krem pana dhe nëse është e mundur e lemë në frigorifer për 1 ditë.
Ju bëftë mirë!
