Operacionet e kërkim-shpëtimit vijojnë ende në gjetjen e personave nën rrënojat e tërmetit 7.8 ballë e shkallës rihter në kufirin Turqi-Siri.
Sipas zyrtarëve shifrat e fundit raportojnë se numri total i viktimave në të dy vendet deri tani numri fatkeqësisht sa vjen dhe rritet, konfirmohet se të paktën 8.424 persona nuk kanë mundur t’i shpëtojnë tronditjeve të marra nga lëkundjet.
Në Siri, 2,530 viktima janë konfirmuar si në zonat e kontrolluara nga qeveria ashtu edhe në rajonet e kontrolluara nga rebelët. Gjithsej 4,654 të lënduar janë raportuar në të gjitha territoret siriane.
Në Turqi, të paktën 5,894 njerëz janë vrarë dhe 34,810 të plagosur, tha të martën nënpresidenti turk Fuat Oktay.
Agjencitë dhe punonjësit e shpëtimit kanë paralajmëruar se shifrat ka të ngjarë të rriten, veçanërisht në Siri, me shumë njerëz ende të bllokuar nën rrënoja.
Ka shkuar mbi 9500 numri i të vdekurve nga tërmeti që tronditi Turqinë dhe Sirinë në orët e para të mëngjesit të së hënës,
Numri i njerëzve të vrarë në Turqi ka shkuar në 6,957. Është e vështirë të verifikohet numri në Siri, por media shtetërore dhe një grup shpëtimi thonë se deri tani rreth 2500 njerëz kanë humbur jetën.
Përditësim ora 12: 40
Autoritetet zyrtare raportojnë se numri i të vdekurve në Siri dhe Turqi ka tejkaluar shifrën e 11,000 personave ndërsa përpjekjet e shpëtimit vazhdojnë për të tretën ditë.
