Nuk ka fëmijë të ciëve nuk ju pëlqen të lexojnë , ju duhet vetëm t’u jepni atyre llojin e duhur të librit për të nxitur zakonet e tyre të leximit. 5 librat e mëposhtëm janë ata që kanë emocionuar breza fëmijësh dhe asnjë fëmijë nuk duhet të ketë fatin e keq të rritet pa i lexuar.
1. Macja me kapelë nga Dr. Seuss (1957)
Mosha: 3-8 vjeç
I konsideruar si një nga librat më të shitur për fëmijë të të gjitha kohërave, i përshtatur edhe në film, Theodor Geisel shkroi dhe ilustroi “Macja me kapelë” i quajtur Dr. Seuss . Kjo histori për fëmijë sillet rreth një maceje e cila shfaqet në shtëpinë e Sally, bën rrëmujë ndërsa argëton atë dhe vëllain e saj dhe pastron me ndihmën e miqve të tij, Gjënë 1 dhe Gjënë 2 pak para se nëna e Sally të kthehet në shtëpi.
2. Rrjeta e Sharlotës nga EB White
Mosha: 8-11
Rrjeta e Sharlotës titullohet si një libër klasik në literaturën angleze për fëmijë dhe një nga librat më të shitur të të gjitha kohërave. Historia ka të bëjë me një derr të quajtur Wilbur dhe një merimangë të quajtur Charlotte, kur fermeri është gati të therur Wilburin, Charlotte përdor aftësitë e saj të krijimit të rrjetës së merimangës për të krijuar fjalë lavdëruese për Wilburin për ta shpëtuar atë.
3. Haroldi dhe lapsi lejla nga Crockett Johnson
Mosha: 3-7 vjeç
Sa e mrekullueshme do të ishte nëse ne thjesht mund ta vizatojnim botën ashtu siç e kuptojmë? Crockett Johnson e ‘eksploron’ këtë mundësi në Harold dhe lapsi lejla, ku një djalë katërvjeçar ,mjaft kurjoz zotëron një shkumës me ngjyrë vjollce me të cilën ai krijon botën duke e vizatuar. Nëpërmjet kësaj fuqie ai ndërmerr shumë aventura dhe kur ndihet i përgjumur ai thjesht vizaton një shtrat dhe bie në gjumë mbi të. Ky është libri më i popullarizuar i Johnson.
4. Çarli dhe fabrika e çokollatave nga Roald Dahl
Mosha: 8-10 vjeç
Shkruar nga autori i famshëm britanik, Roald Dahl , Charlie dhe fabrika e çokollatave është një seri me dy pjesë për një djalë të varfër, por shumë guximtar dhe të kujdesshëm të quajtur Charlie. Të dy gjyshërit, prindërit dhe ai jetojnë në një shtëpi të rrënuar. Charlie dëshiron të ketë fabrikën e çokollatës në pronësi një ditë dhe shpreson ta shohë atë nga brenda, për habinë e tij, Charlie përfundon duke u bërë trashëgimtari i fabrikës së Wonka-s.
Charlie dhe fabrika e çokollatave konsiderohet si një nga ato libra që çdo fëmijë duhet ta ketë lexuar të paktën një herë. Edhe autorja e famshme JK Rowling e renditi atë si një nga dhjetë librat e saj më të mirë si fëmijë. Librat fituan shumë vlerësime dhe janë përshtatur edhe në film.
5. Gratë e vogla nga Louis May Alcott
Mosha: 9-12 vjeç
I përshtatshëm për fëmijë dhe të rritur, klasikja e të gjitha kohërave, Gra të vogla është një ndër librat më të bukur. Thuhet se përfshin romancë, një aventurë, një dramë familjare dhe kryesisht të orientuar nga gratë, duke përshkruar tema si familja, dashuria dhe duke i dhënë secilit personazh një identitet të veçantë femëror.
Është përshtatur disa herë në film dhe gjithashtu në një anime japoneze. Historia sillet rreth katër motrave dhe rrugëtimit të tyre nga fëmijë e deri sa rriten e bëhen gra. Shumë thonë se libri bazohet lirshëm në jetën e vetë Alcottit dhe motrave të saj.
