Referencat e reja në kodin e Instagram sugjerojnë se kompania mund të zhvillojë një veçori verifikimi me pagesë pas paraqitjes së një sistemi të ngjashëm me atë të Twitter nën udhëheqjen e Elon Musk.
Sipas disa fragmenteve në kodin e aplikacionit, një fragment i referohet në mënyrë eksplicite një “distinktiv blu me pagesë” dhe një produkti të ri abonimi, ka zbuluar një nga zhvilluesit. E njëjta referencë shfaqet edhe në versionin më të fundit të aplikacionit Facebook, duke treguar se verifikimi me pagesë mund të ofrohet nëpër platformat e Meta nëse produkti vazhdon të zhvillohet.
Zbulimi u bë nga zhvilluesi Alessandro Paluzzi, ka vërejtur edhe më parë një sërë veçorish të reja në Instagram para se ato të lansoheshin, duke përfshirë mjetin e planifikimit brenda aplikacionit që u lançua në nëntor dhe veçoritë më të reja të ndarjes së kodit QR. Ai gjithashtu ka vërejtur rregullisht prototipa të tjerë të brendshme, si sfida për tu dukur më shumë si BeReal dhe zhvillime lidhur me Twitter.
Zakonisht, Instagram ka qenë e gatshme për të konfirmuar ose komentuar lidhur me përditësimet dhe risit e reja, por kësaj herë ka vendosur mos të komentoj lidhur me publikimin.
Përpos kësaj, zhvilluesi tha se kishte gjetur referenca të tjera për një lloj abonimi të ri i cili nuk kishte qenë në pjesën e kodit më parë. Të njëjtat referenca ishin gjithashtu në një nga versionet më të fundit të aplikacionit Facebook, vuri në dukje ai.
Megjithatë, Paluzzi paralajmëroi se nuk ka asgjë ende të dukshme në vetë aplikacionin përveç këtyre referencave të vogla në kodë, kështu që ne mund të spekulojmë vetëm për këto risi për momentin.
Gjithsesi, janë spekulime argëtuese, veçanërisht duke marrë parasysh mjerimin që përbën sistemi i sotëm i verifikimit në Instagram.
Përpos faktit të ankesave të shumta ndër vite, sistemi i verifikimit të Instagramit është i mpirë, i ndërlikuar dhe i rastësishëm, për shkak të mbështetjes së tij te automatizimi. Megjithëse Instagram në 2018 filloi t’i lejojë përdoruesit të kërkojnë verifikim, vetë sistemi i përgjithshëm nuk ka ndryshuar shumë, pavarësisht premtimit të kreut të Instagramit Adam Mosseri se verifikimi i llogarisë do të ishte në fokus në vitin 2020.
